غزل-5 آج پھر تیرا جو خیال آیا

December 11, 2020
Gazal
43 1

Poet: Tanveer Iqbal tanveer.Iqbal@outlook.com

آج پھر تیرا جو خیال آیا

دل میں حد جوش اور ملال آیا

ناؤ کنارے لگ چلی ہی تھی

سرِ ساحل یہ کیا وبال آیا؟

زورِ کردار بن چلا تھا غرور

مرے پرہیز کو زوال آیا

بتِ ظالم تو توڑ ڈالا تھا

نظر پھر تیرا خدوخال آیا

مرا جنوں ہے یا تقدیرِخدا؟

حالتِ غیر کو سوال آیا

رغبتِ ربط کی ہوئی کثرت

تو عہدِ ترک پیشِ حال آیا

اشک نہ رکھ سکے بھرم میرا

وحشتِ دل میں جو ابال آیا

جاگ کہ وقتِ دعا ہے تنویر

آہ سننے کو ذوالجلال آیا

تنویر اقبال

Leave a Reply

Your email address will not be published. Required fields are marked *

Open chat
1
Hello,
How can I help you?