غزل- 2 بلاشک ایک جان لیوا کاوش ہو گی

Poet: Tanveer Iqbal

بلاشک ایک جان لیوا کاوش ہو گی

ہجر کی زندگی دوزخِ آتش ہو گی

صبح صبح ہی گہرے بادل چھائے ہیں

آج سارا دن آنکھوں سے بارش ہو گی

یہ جو سانسیں بے ترتیب ہوئی جاتی ہیں

ضرور میری دھڑکنوں کی سازش ہو گی

خود کو بھولتا ہوں میں انہیں بھلانے پر

اس عالم میں  کیسے کوۂی  کوشش ہو گی

ہنستے ہنستے اکثر رونا آجاتا ہے

دل میں شاید کوئی  گہری سوزش ہو گی

کاش آجائے چار پل مجھے سکون کی نیند

کبھی تو یہ بھی میسر آسائش ہو گی

مسکرانا بھول بیٹھا ہوں ایک مدت سے

کیا کروں گا گر مجھ سے فرمائش ہو گی

نہ گوارا آئینہ دیکھنا سنورنے کو

اب بعدِ قضا شاید آرائش ہو گی

غلطی کی دلِ بدبخت کا کہا مانا

کیا خبر تھی خطا ناقابلِ بخشش ہوگی

بسترِ مرگ پہ آجائیں وہ عیادت کو

دلِ نادان کی یہ آخری خواہش ہو گی

تنویر اقبال